Aqaid e Malaika (Farishte)
Aqaid e Malaika (Farishte)
1 - Farishte Ajsame Noori Hai, Ma'soom Hai Aur Har Tarha Ke Gunah Se Paak Hai, Allah Ta'ala Ne Mukhtalif Khidmate Inke Supurd Ki Hai, Jo Shakal Chahe Ikhtiyar Karle Kabhi Kabhi Woh Insan Ki Shakal Me Bhi Zahir Hote Hai.
2 - Kisi Farishte Ke Haq Me Adna Si Gustakhi Bhi Kufr Hai, Jahil Log Kisi Dushman Ko Dekh Kar Kehte Hai Ke Izrail Aagaya Ya Maut Ka Farishta Aagaya, Yeh Qareeb Kufr Hai.
3 - Farishto Ke Wajood Ka Sire Se Inkar Karna Ya Yeh Kehna Ke Farishte Neki Ki Quwwat Ko Kehte Hai, Aisa Kehna Kufr Hai.
4 - Farishte Allah Ke Imandar Muqarrab Bande Hai, Uski Na Farmani Kabhi Nahi Karte Aur Jo Uska Hukm Hota Hai Woh Hi Karte Hai, Har Qism Ke Gunah Se Ma'soom Hai, Inke Jism Noorani Hai Aur Na Yeh Kuch Khate Hai Na Kuch Peete Hai, Har Waqt Allah Ta'ala Ki Ibadat Me Rehte Hai.
5 - Farishte Judagana Kaamo Par Muqarrar Hai, Ba'az Jannat Par, Ba'az Dozakh Par, Ba'az Aadmiyo Ke Amal Likhne Par, Ba'az Rozi Pahochane Par, Ba'az Paani Barsane Par, Ba'az Maa Ke Pet Me Bachche Ki Soorat Banane Par, Ba'az Aadmiyo Ki Hifazat Par, Ba'az Rooh Qabz Karne Par, Ba'az Qabr Me Sawal Karne Par, Ba'az Azab Par, Ba'az Rasoolallah Ke Darbar Me Musalmano Ke Darood o Salaam Pahochane Par Aur Ba'az Ambiya Ki Wahi Laane Par.
6 - Farishto Ko Allah Ta'ala Ne Badi Quwwat Ata Farmayi Hai Woh Aise Kaam Kar Sakte Hai Jise Lakho Aadmi Mil Kar Bhi Nahi Kar Sakte, Inme 4 Farishte Bahot Fazeelat Rakhte Hai, Hazrate Jibra'il Wa Mika'il Wa Israfil Wa Izra'il Alaihimussalam.
7 - Rusul Farishte Tamam Auliya Yaha Tak Ke Jumla Sahaba e Kiram Ma' Siddik e Akbar Se Afzal Hai Inke Siwa Baaqi Tamam Farishto Se Auliya e Kiram Afzal Hai.
Share and get 15% off!
Simply share this product on one of the following social networks and you will unlock 15% off!